Велöтчиссезлöн виль оськоввез
Учебнöй да проектнöй деятельность школаын
Кöть миян школалöн абу статус «национальнöй», кöть сiя обыкновеннöй, уна вачкисяна мöдiк школаэз вылö, сежо коми кыв сьöртi аркмöтöм быдса система, кöда пондöтчö садиксянь. Ыджыт отсöтöн лоöны и кружоккез: фольклорнöй, краеведческöй. А крепыт йитöт клубкöт челядеклö сетö ыджыт представленне обряддэз да обычайез йылiсь.>>>>>
|
Велöтиссезлöн петассэз
Дона кыв
Донта ме коми поэттэз,
Донта роднöй коми кыв,
Му, коми мусьылöтiссез,
Дорйиссезлiсь мича тöдвыв.
Уджö да умö велöтö
Быд коми песня, кывбур,
Йöзыслiсь ловсö зорöтö,
Дзар пыстöм емöн оз вур.
Пыма лек кылiсьсайöвта,
Морос бердам жмита бура.
Сьöлöм чужöм ме ванйöвта,
Ас пытшкам кора бöра.
Кыв меным борддэз козьналас,
Туйдас оланын вежöр.
Небыта мам моз малалас,
Кöдзытö вештас вуджöр.
А. Теплоухова |
«Шороклöн» юöррез
 Фольклорнöй ансамбль «Шорок» («Ручеек») аркмис 1988 годö. Руководитель ансамбльлöн Теплоухова Анна Ивановна, коми кыв да роч кыв сьöртi велöтiсь. Первöй жö годдэзсяньансамбль лоис спутникöн «Мича асыв» («Ясное утро») народнöй фольклорнöй ансамбльлöн. >>>>>
|
Важ да виль кывкуд
Гижись ÖНЬÖ ЛАВ
КЫВ ВЕЛÖТАН КЕРМИННЭЗ
(КОМИА РОЧ КЫВЧУКÖР)
ЛИНГВИСТИЧЕСКАЯ ТЕРМИНОЛОГИЯ
(РУССКО-ПЕРМЯЦКИЙ СЛОВАРИК)
| азбука |
анбур |
активный: ~ словарный запас |
тшöка шусян кыввез |
алфавит |
шыпас чукöр |
ассимиляция |
аскодялöм |
безличный: ~ое предложение |
юракывтöм сёрникузя
мортiнтöм сёрникузя |
безударный |
ёнмöттöм
гусьöнжыка шусян |
бессоюзный: ~ое предложение |
йитöттöм сёрникузя >>>> |
|
Коми горт тöдiссезлöн удж
 Миян школаын дасöт год уджалö кружок «Туристтэз-краеведдэз». Кружоклöн юралiсьыс велöтiсь Гагарин Василий Иванович. Кружокö ветлöтiссез öктöны уна материал миян край йылiсь, ветлöтöны походдэзö да экскурсияэз вылö, öктöны да исследуйтöны экспонаттэз школьнöй музейö. Сiдз кыдз нiя тöдöны уна традицияэз да обряддэз, фольклорнöй ансамбль «Мича асыв» корлö нiйö быдкодь орсаннэз да обряд чулöтöммез вылö. Вот и öнi, январь 6 лунö, кружокö ветлöтiссез кайлiсö Борина деревняö нуöтны Рöшвося орсаннэз. Сэтчин челядь вочöтчисö Лешакö да Рыбакö, Туриö да Вöлö, Мошшезö да Покойникö, да орсöтiсö боринчисö рöшвося орсаннэзöн.
|
Музейлöн листбок
 Б-Кочинскöй шöрöт школаись этнография да фольклорлöн музейын эм мед важ экспонат – вежапас «Вöрмöса-морт» (Человеко-лось). Сiя керöм V векын Ломоватовскöй археологическöй культура дырни. Эта кодь вежапассэсö шуöны Перемскöй зверинöй стильöн. Адззис сiйö велöтчись Юра Гагарин Курегкарись, кöда сулалö Борина да Урья деревняэз коласын.
Вежапас вылын ми адззам мортöс, кöда киас видзö бедь – посох. Юрсянь кокöдз сiя вевттьöм вöрмöсöн. Ачыс мортыс сулалö дзöдзыв вылын.
Миян важ отир думайтiсö, что эта вежапасыс берегитö нiйö быдкодь кульпияннэзсянь да чуддэзсянь. Мортыс кыдз бы кытшöвтöм вöрмöснас, бедьнас да дзöдзывнас.
|
